Нэтаньягу даручыў пачаць мірныя перамовы з Ліванам

• 9.04.2026, 19:23

Яны будуць засяроджаныя на раззбраенні «Хезбалы».

Ізраіль пачынае мірныя перамовы з Ліванам, гаворыцца ў заяве прэм’ер-міністра Біньяміна Нэтаньягу, апублікаванай яго канцылярыяй у Facebook.

«У святле неаднаразовых заклікаў Лівана пачаць прамыя перамовы з Ізраілем учора я даручыў кабінету міністраў як мага хутчэй пачаць прамыя перамовы з Ліванам», — заявіў Нэтаньягу.

Ён патлумачыў, што перамовы будуць засяроджаныя на раззбраенні «Хезбалы» і ўсталяванні мірных адносін паміж дзвюма краінамі.

«Ізраіль цэніць сённяшні заклік прэм’ер-міністра Лівана да дэмілітарызацыі Бейрута», — дадаў прэм’ер.

Прэзідэнт ЗША Дональд Трамп папрасіў Нэтаньягу скараціць ізраільскія ўдары па Ліване, каб прадухіліць зрыў крохкага перамір’я з Іранам, паведамляе NBC News са спасылкай на высокапастаўленага чыноўніка адміністрацыі Трампа.