У Крэмлі жаласна паспрабавалі выставіць ультыматум Украіне

• 10.05.2026, 14:45

Расія патрабуе таго, што не можа захапіць.

Далейшы прагрэс у мірных перамовах немагчымы да таго часу, пакуль Украіна не выканае патрабаванні Крэмля па вывадзе ўкраінскіх войскаў з Данецкай і Луганскай абласцей. Пра гэта заявіў памочнік прэзідэнта РФ Юрый Ушакоў, якога цытуе ТАСС.

«Пакуль [Украіна] не зробіць гэты крок, можна праводзіць яшчэ некалькі раўндаў, дзясяткі раўндаў [перамоваў], але мы будзем на адным і тым самым месцы, разумееце? Вось у чым справа», - заявіў ён.

Пры гэтым Ушакоў чамусьці выказаў упэўненасць, што Украіна ўсё ж абавязкова перадумае і проста так аддасць Расіі сваю найбольш умацаваную частку тэрыторыі.

«Яны ведаюць ва Украіне, што гэта трэба зрабіць і што яны гэта рана ці позна ўсё роўна зробяць», - падкрэсліў памочнік Пуціна.