У Беларусі рэзка ўзрасла колькасць школьнікаў, якія вывучаюць кітайскую мову

• 11.05.2026, 10:30

За пяць гадоў іх колькасць павялічылася ў 2,3 раза.

Колькасць навучэнцаў, якія вывучаюць замежныя мовы ў дзённых установах агульнай сярэдняй адукацыі Беларусі, за пяць гадоў павялічылася на 5,6%, сведчыць праведзены «Позіркам» аналіз даных Нацыянальнага статыстычнага камітэта.

Калі паводле вынікаў 2020 года іх было 817.630, то паводле вынікаў 2025-га — 863.044.

Найбольш станоўчая дынаміка адзначана сярод навучэнцаў, якія вывучаюць кітайскую мову. У мінулым годзе іх налічвалася 2.662 (у 2020-м — 1.171; рост у 2,3 раза).