У Беларусі ўзляцелі цэны на платныя паслугі

• 11.05.2026, 11:28

Менавіта яны сталі асноўным рухавіком інфляцыі.

Гадавая інфляцыя ў Беларусі ў красавіку дасягнула 5,4%, паведамляе Белстат. У сакавіку гэты паказчык быў на тым жа ўзроўні.

У гадавым вылічэнні харчовыя тавары ў красавіку падаражэлі на 6,3%, нехарчовыя — на 2%, а платныя паслугі — адразу на 8,4%.

За красавік інфляцыя склала 0,8% да лютага. Наймацней за месяц выраслі ў цане платныя паслугі — на 2,8%. Прадукты падаражэлі на 0,02%, нехарчовыя тавары — на 0,4%.

З пачатку года, са студзеня па красавік, інфляцыя склала 2,5%. Найбольш прыкметны рост ізноў паказалі платныя паслугі — на 5,4% да снежня мінулага года.