Новы ўрад Венгрыі можа адмовіцца ад супрацоўніцтва з «Росатамам»

• 11.05.2026, 13:55

Орбан заключыў дамову з кампаніяй з РФ без якога-небудзь тэндэру.

«Росатом» можа страціць праект у Еўропе амаль на $15 млрд. Улады Венгрыі перагледзяць фінансаванне і рэалізацыю пашырэння АЭС «Пакш», заявіў кандыдат на пасаду міністра эканомікі і энергетыкі Іштван Капітані. Пры Віктары Орбане урад Венгрыі ў 2014 годзе без якога-небудзь тэндэру заключыў дамову з адным з прадпрыемстваў «Росатама» на будаўніцтва двух новых энергаблокаў. У лютым 2026 года расійская кампанія нарэшце пачала іх узвядзенне, піша The Moscow Times.

«Нам патрэбная празрыстая ядзерная стратэгія, — заявіў Капітані на парламенцкіх слуханнях (цытата паводле Reuters). — Мы павінны перагледзець фінансаванне і выдаткі на праект «Пакш-2» (праект пашырэння) і ўмовы яго рэалізацыі. Гэта сакрэтныя дамовы, з якімі мы яшчэ не пазнаёміліся, і нам неабходна іх вывучыць». Петер Мадзьяр, які пасля перамогі на красавіцкіх выбарах уступіў на пасаду прэм’ер-міністра 9 мая, раней таксама гаварыў пра гатоўнасць правесці праверку ўсіх пагадненняў па праекце АЭС «Пакш-2», кошт якога ён назваў завышаным.

Адзіная ў Венгрыі АЭС каля горада Пакш (каля 100 км ад Будапешта) была пабудавана ў 1970–80-я гады. На ёй працуюць чатыры энергаблокі з рэактарамі ВВЭР-440. Праект «Пакш-2» прадугледжвае будаўніцтва двух новых блокаў з рэактарамі ВВЭР-1200 (№5 і 6) сумарнай магутнасцю 2,4 ГВт.

Пасля працяглых затрымак «Росатом» паведаміў у лютым, што пачаў заліўку «першага бетону» ў падмурак будынка рэактара для энергаблока №5. Гэта «азначае пераход аб’екта ў статус "атамнай электрастанцыі, што будуецца" паводле стандартаў МАГАТЭ», адзначыла дзяржаўная карпарацыя: