Украіна ўжо мае ракеты з далёкасцю, як у нямецкіх Taurus

• 11.05.2026, 15:20

Пра гэта заявіў міністр абароны Фёдараў.

Украіна ўжо мае сродкі паражэння, падобныя па далёкасці да нямецкіх крылатых ракет Taurus. Пра гэта заявіў міністр абароны Міхаіл Фёдараў на брыфінгу з нямецкім калегам Барысам Пісторыусам у Кіеве ў панядзелак, 11 мая, піша «Інтэрфакс-Украіна».

«Калі гаворым пра Taurus, то, вядома, у нас ужо ёсць ракеты, якія дзейнічаюць на падобнай дыстанцыі і нават большай. Але такіх сродкаў паражэння ніколі не бывае занадта шмат», — сказаў Фёдараў.

Ён адзначыў, што Украіна набывае пэўную незалежнасць у напрамку развіцця далёкабойных ракетных сістэм.

«Мы ўсе бачылі ўдары па РФ на 1500 км. Таму Украіна сваю хатнюю працу робіць добра», — дадаў міністр.