Беларуска стала чэмпіёнкай Турцыі па футболе

• 11.05.2026, 15:32

Карына Ольховік заваявала тытул у складзе жаночай каманды «Фенербахчэ».

Напярэдадні жаночая каманда «Фенербахчэ» за два туры да канца гарантавала сабе першае месца, піша Onlíner. У складзе турэцкага калектыву выступае беларуска — Карына Ольховік.

«Фенербахчэ» лідзіруе ў турнірнай табліцы жаночай Суперлігі, набраўшы 77 ачкоў у 28 матчах. За два туры да заканчэння рэгулярнага разыгрышу бліжэйшы пераследнік «Трабзонспор» адстае на сем балаў і, адпаведна, страціў матэматычныя шанцы на тытул.

«Фенербахчэ» правёў увесь чэмпіянат толькі з адным паражэннем. Пры гэтым клуб упершыню стаў чэмпіёнам Турцыі.

Сама Карына апублікавала святочнае фота ў Instagram.

Таксама адзначым, што Ольховік — гульцыца нацыянальнай зборнай Беларусі. У 2018 і 2022 гадах яе прызнавалі лепшай футбалісткай краіны.