Пад Мінскам за $3,6 мільёна прадалі найдаражэйшы дом у Беларусі ў красавіку

• 11.05.2026, 18:10

Дзе ён размешчаны.

У вёсцы Сасновая Смалявіцкага раёна набылі асабняк за $3,6 млн. Ён стаў найдаражэйшым домам, прададзеным у красавіку ў Беларусі, адзначае Realt.

Пад Мінскам за $3,6 млн прадалі найдаражэйшы дом у Беларусі ў красавіку. Дзе ён размешчаны

Ідзе гаворка пра цагляны катэдж 2018 года пабудовы плошчай 591 кв. м. Кошт «квадрата» склаў $4397.

Сасновая знаходзіцца за 15 км ад Мінска. Першапачаткова гэта была звычайная вёска, але ў 2010-х тут пачалі будаваць буйны катэджны пасёлак на 140 новых дамоў. Яго пачалі называць «IT-вёскай», паколькі мэтавай аўдыторыяй забудоўшчыка былі сем’і праграмістаў. Як адзначае Realt, потым катэджы ў Сасновай набывалі прадстаўнікі розных прафесій.

Паблізу пасёлка знаходзяцца траса на Маскву, Курган Славы, маляўнічыя лясы і азёры. У вёсцы працуюць кафэ, аздараўленчы цэнтр і некалькі шынамантажоў. Крамы, школу, дзіцячы сад і іншую інфраструктуру можна знайсці ў суседняй Слабадзе і ў Мінску.