У Расіі пры загадкавых абставінах памёр зорка серыяла «Мая цудоўная нянька»

• 12.05.2026, 12:53

На дадзены момант невядома, як акцёр атрымаў смяротную траўму.

Памёр вядомы расійскі акцёр Вадзім Аляксандраў, яму было 87 гадоў. Пра гэта паведамляе УНІАН са спасылкай на расСМІ і сям'ю акцёра.

Адзначаецца, што Аляксандраў змагаўся з анкалагічным захворваннем. Аднак, паводле слоў яго сына, прычынай смерці стала траўма галавы.

На дадзены момант невядома, пры якіх абставінах акцёр атрымаў пашкоджанні.

Вадзім Аляксандраў — што пра яго вядома

Вадзім Аляксандраў — савецкі і расійскі акцёр тэатра і кіно, заслужаны артыст РФ. Ён нарадзіўся 3 мая 1939 года і за сваю кар'еру зняўся амаль у 150 праектах.

Аляксандраў здымаўся ў фільмах «Той самы Мюнхгаўзен», «Кін-дза-дза!», «Жанчына, якая спявае», «Вусаты нянь». Таксама ён вядомы па ролях у серыялах «Татчыны дачкі», «Вароніны» і «Мая цудоўная нянька».

Акцёр часта выконваў характарныя і эпізадычныя ролі, дзякуючы якім стаў пазнавальным тварам савецкага і расійскага кіно. У 1994 годзе яму прысвоілі званне заслужанага артыста Расіі.

Вадзім Аляксандраў — пазіцыя адносна вайны ва Украіне

Варта адзначыць, што публічных заяў Вадзіма Аляксандрава пра вайну РФ супраць Украіны ў адкрытых крыніцах няма. Таксама не паведамлялася пра яго ўдзел у прапагандысцкіх кампаніях або публічных палітычных выказваннях на гэтую тэму.