Беспілотнікі атакавалі завод па вытворчасці крылатых ракет у расійскім Арынбургу

• 12.05.2026, 15:05

Горад знаходзіцца ў 1100 км ад украінскай мяжы.

Украінскія беспілотнікі ўдзень 12 мая атакавалі Арынбург, які знаходзіцца ў 1100 км ад расійска-украінскай мяжы.

Паводле аналізу фота і відэа відавочцаў, які правяла (Astra), адзін беспілотнік ударыў у жылы дом на Валгаградскай вуліцы, 42. Беспілотнік ляцеў з паўночнага захаду па роўнай траекторыі, але ў апошні момант адхіліўся на ўсход. Як адзначае Astra, гэта можа сведчыць пра працу сродкаў радыёэлектроннай барацьбы (РЭБ). Першапачатковай мэтай беспілотніка магло быць АТ «Вытворчае аб’яднанне „Страла“», якое знаходзіцца за 4 км ад пацярпелага дома. Гэта адно з вядучых прадпрыемстваў расійскага ваенна-прамысловага комплексу, якое ўваходзіць у склад карпарацыі «Тактычнае ракетнае ўзбраенне» (КТРВ). Яно спецыялізуецца на масавай вытворчасці звышгукавых супрацькарабельных крылатых ракет, у першую чаргу сямейства П-800 «Онікс» („Яхонт“), а таксама камплектуючых для ракет «Вулкан», «Базальт», «Малахіт» і BrahMos. Акрамя таго, завод выпускае кампаненты для знішчальнікаў Су-30, Су-34, Су-35 і МіГ.