«Беларускія Мальдывы» ўзялі пад ахову

• 12.05.2026, 18:06

Чаго чакаць турыстам?

Краснасельскія крэйдавыя кар’еры прызналі геалагічным помнікам прыроды мясцовага значэння. Рашэнне Ваўкавыскага райвыканкама з’явілася на Нацыянальным прававым інтэрнэт-партале.

Там устанавілі межы аб’екта. Плошча кар’ераў — 356,83 га. Туды ўключаныя землі прадпрыемства «Краснасельскбудматэрыялы» Ваўкавыскага лясгаса і камунальнага сельскагаспадарчага прадпрыемства «Невяровічы». Цяпер на гэтай тэрыторыі забаронена дзейнасць, здольная разбурыць або пашкодзіць аб’ект (будаўніцтва, здабыча карысных выкапняў, змяненне ландшафту).

Кіраваць помнікам прыроды будуць раённы турысцка-інфармацыйны цэнтр і завод «Краснасельскбудматэрыялы». Рашэнне ўступае ў сілу пасля афіцыйнага апублікавання.