«Тут яшчэ павінны даплачваць»

• 12.05.2026, 18:29

Беларусы ў шоку ад гасцініцы ў райцэнтры.

Беларуска апублікавала ў TikTok агляд нумара ў гасцініцы ў Сянне. «Як думаеце, колькі каштуе ноч? Нумар у гасцініцы «Сянно». Затое від з акна на прыгожы горад. Годна?)» — падпісала яна ролік, паведамляе BG.Media.

Судзячы па кадрах, сярод плюсаў аказаўся толькі від на будынак мясцовага райвыканкама. Усё астатняе нагадвала або дэкарацыі да савецкага фільма, або фільм жахаў.

У каментарыях некаторыя беларусы не паверылі, што ў нашай краіне можа быць такая гасцініца. Іншыя пісалі, што трэба радавацца хаця б таму, што ў Сянне наогул ёсць гатэль:

«Добра, што хоць нехта гэта паказаў. Толькі люкс больш-менш. Але звычайным людзям туды доступу няма».

«Тут яшчэ павінны даплачваць».

«Вы чакалі ў Сянне пяцізоркавы гатэль? Добра, што ёсць хаця б адна зорка, гэта не курорт, а для камандзіроўкі зойдзе».

«Калі б ён быў прыватны, яго даўно ўжо штрафамі абклалі або закрылі!»

«А што вы хочаце ад калгаса?»

«Для пяці зорак патрэбныя басейн, фітнес-цэнтр і ўласны пляж на ўзбярэжжы».

На інвестыцыйным партале ўладаў Беларусі ёсць паведамленне пра тое, што ЖКГ Сянна гатовая прадаць гасцініцу за 150 тысяч долараў.