У мінскім метро памёр пасажыр

• 13.05.2026, 13:05

Яму стала дрэнна проста ў вагоне.

У Мінскім метрапалітэне памёр пасажыр. Інцыдэнт адбыўся на станцыі «Плошча Якуба Коласа».

Як распавяла выданню onliner.by адна з пасажырак, каля 9:10, выйшаўшы з вагона, яна ўбачыла на платформе каля лаўкі цела чалавека, накрытае прасцінай. Побач знаходзіліся супрацоўнікі міліцыі.

Нягледзячы на здарэнне, рух цягнікоў працягваўся ў штатным рэжыме.

У метрапалітэне паведамілі журналістам, што аднаму з пасажыраў стала дрэнна проста ў вагоне. Яго вынеслі на платформу і выклікалі брыгаду хуткай дапамогі.

Аднак, нягледзячы на намаганні медыкаў, выратаваць чалавека не ўдалося.