У цэнтры Мінска 16 мая абмяжуюць рух транспарту

• 15.05.2026, 17:51

Вадзіцеляў просяць загадзя планаваць маршрут.

Часовыя меры ўводзяцца ў сувязі з правядзеннем Дзён Ніжняга Ноўгарада ў беларускай сталіцы.

Рух усіх відаў транспарту, за выключэннем грамадскага, на некаторых ўчастках дарог у Мінску заўтра будзе абмежаваны, паведамляе УДАІ ГУУС Мінгарвыканкама.

Цяжкасці з праездам магчымыя на наступных ўчастках:

• падыём з вуліцы Максіма Багдановіча на праспект Пераможцаў;

• спуск з праспекта Пераможцаў на вуліцу Максіма Багдановіча.

Таксама на працягу дня 16 мая магчыма часовае прыпыненне працы прыпыначнага пункта «Палац спорту».

Дзяржаўтаінспекцыя просіць вадзіцеляў улічваць гэтую інфармацыю і загадзя планаваць свой маршрут.