Спявак з Італіі разрыдаўся на сцэне Еўрабачання 2026

• 17.05.2026, 8:35

Песня Sal Da Vinci стала адным з самых кранальных момантаў вечара.

Вядомы італьянскі спявак Sal Da Vinci, які прадстаўляў сваю краіну ў гранд-фінале Еўрабачання 2026, крануў эўрафанаў сваёй незвычайнай рэакцыяй у фінале выступу.

Песня «Per sempre sì» стала для гледачоў Еўрабачання сапраўднай тэатральнай пастаноўкай. На фоне пачуццёвага спеву артыста разгортвалася вяселле — жаніх рыхтаваўся да сустрэчы з нявестай, маладыя сустракаліся ля алтара і кружыліся ў танцы.

Сама канкурсная песня распавядала гісторыю шляху двух людзей: ад моманту, калі яны былі чужымі адно аднаму, да прамаўлення запаветных клятваў. Пасля дэбюту на сцэне Сан-Рэма кампазіцыя стала вельмі папулярнай у Італіі.

Пасля выканання «Per sempre sì» спявак быў настолькі эмацыйны, што не стрымаў слёз, і гэта трапіла ў трансляцыю Еўрабачання 2026.