Украіна стварыла сваю першую кіраваную авіябомбу

• 18.05.2026, 13:07

Яна ўжо гатовая да прымянення.

Першая украінская кіраваная авіябомба гатовая да баявога прымянення пасля 17 месяцаў распрацоўкі. Пра гэта паведаміў у Telegram міністр лічбавай трансфармацыі Украіны Міхаіл Фёдараў.

Паводле ягоных слоў, распрацоўку стварыў удзельнік платформы Brave1. Бомба ўжо прайшла неабходныя выпрабаванні і гатовая да выкарыстання на фронце.

Фёдараў адзначыў, што боепрыпас мае ўнікальную канструкцыю, створаную з улікам рэалій сучаснай вайны. Ён падкрэсліў, што гэта не адаптацыя заходніх або савецкіх узораў, а цалкам украінская распрацоўка, прызначаная для паражэння ўмацаванняў, камандных пунктаў і іншых мэтаў праціўніка на дзясяткі кіламетраў пасля пуску.

Маса баявой часткі складае 250 кілаграмаў. Першая эксперыментальная партыя ўжо закуплена Міністэрствам абароны, а пілоты адпрацоўваюць сцэнарыі баявога прымянення і адаптуюць выкарыстанне новага ўзбраення ў рэальных умовах.

Паводле міністра, у найбліжэйшы час украінскія кіраваныя авіябомбы пачнуць прымяняцца па мэтах праціўніка. Ён таксама падкрэсліў, што Украіна працягвае маштабаваць рашэнні, якія павышаюць далёкасць і дакладнасць паражэння і змяняюць падыходы да сучаснай вайны.