Такі «зігзаг удачы» можа дорага абысціся беларускаму кіроўцу

• 18.05.2026, 13:59

Відэафакт.

Нерэгуляваны пешаходны пераход, за ім аўтобусны прыпынак. Перад «зебрай» устаноўленыя штучныя няроўнасці, каб кіроўцы своечасова зніжалі хуткасць. Знайшоўся, праўда, і такі аўтамабіліст, які па няроўнасцях праязджаць не захацеў, відаць, падвеску беражэ. Праўда, яго манеўр можа дорага яму абысціся.

Відэа на форуме «Онлайнера» апублікаваў чытач з нікам ydaff.

— Кіроўца здзейсніў «зігзаг удачы», аб'ехаўшы «ляжачыя паліцэйскія», падаўшы заяўку на выплату 10 базавых велічынь — і гэта для яго найлепшы варыянт, — пракаментаваў убачанае чытач.

Ён адзначыў, што інцыдэнт адбыўся паміж Тарасавам і Ратамкай, дадаўшы, што падобнае там здараецца часта.