Дроны спальваюць НПЗ у Яраслаўлі

• 19.05.2026, 8:28

У горадзе забаранілі рух транспарту ў Маскву.

Раніцай у аўторак, 19 мая, Яраслаўская вобласць падверглася атацы ўкраінскіх далёкабійных беспілотнікаў. Паводле папярэдніх звестак, пад удар зноў мог трапіць Яраслаўскі нафтаперапрацоўчы завод.

Паветраную трывогу ў рэгіёне абвясцілі а 04:26 па Мінску. Жыхары Яраслаўля паведамілі пра некалькі выбухаў, якія, паводле іх слоў, было чуваць у раёне нафтаперапрацоўчага прадпрыемства.

Губернатар Яраслаўскай вобласці Міхаіл Еўраеў пацвердзіў факт паветранай атакі на аб’екты рэгіёна. Ён паведаміў, што з мер бяспекі часова перакрыты рух транспарту ў кірунку з Яраслаўля ў бок Масквы.