На Мінскай кальцавой вадзіцель вырашыў праскочыць без чаргі

• 19.05.2026, 10:20

Чацвёртая паласа на МКАДзе?

На Мінскай кальцавой — па тры паласы руху ў кожны бок. Але гэта ў нармальнай сітуацыі і для вадзіцеляў, якія ведаюць і выконваюць ПДР. Аднак вельмі часта нават пры невялікіх заторах знойдзецца той, хто лічыць, што на МКАДзе ёсць і чацвёртая паласа, і без чаргі спрабуе праехаць па ёй.

Відэа на форуме «Онлайнера» апублікаваў карыстальнік з нікам Scorpion4ik87. Судзячы па запісе, інцыдэнт адбыўся 12 мая каля 10:00 на з’ездзе з унутранага кальца МКАД на вуліцу Слабадскую. Затор нават не здаваўся такім ужо сур’ёзным, тым не менш вадзіцель Volkswagen вырашыў па абочыне ўклінуцца ў чаргу.