У Расіі насмерць збілі зорку каманды КВН «Утомленные солнцем»

• 2.05.2026, 18:39

Юмарыстка пераходзіла дарогу ў недазволеным месцы.

У Расіі ў ДТЗ загінула вядомая юмарыстка, удзельніца каманды КВН «Утомленные солнцем» Алена Рыбалка, ёй было 53 гады. Інфармацыю пра яе смерць пацвердзілі муж артысткі і Міжнародны саюз КВН.

Паведамляецца, што аварыя адбылася 1 мая ў Адлеры (Сочы), Рыбалка памерла на месцы. Па афіцыйных звестках, кіроўца аўтамабіля збіў юмарыстку, калі яна пераходзіла дарогу.

Расійскія СМІ пішуць, што Рыбалка пераходзіла дарогу ў недазволеным месцы. Адзначаецца, што крыніца ў праваахоўных органах пацвердзіла гэтую інфармацыю.