Зяленскі ўвёў санкцыі супраць свайго былога саюзніка Андрэя Багдана

• 2.05.2026, 19:01

Абмежаванні будуць дзейнічаць 10 гадоў.

Прэзідэнт Украіны Уладзімір Зяленскі падпісаў указ аб увядзенні санкцый супраць пяці чалавек — сярод іх экс-кіраўнік Офіса Прэзідэнта Андрэй Багдан і двое функцыянераў алімпійскага спорту РФ. Пра гэта паведамляе «РБК-Украіна».

Хто трапіў пад абмежаванні:

Андрэй Багдан — былы кіраўнік Офіса Прэзідэнта Украіны.

Багдан Пукіш — бізнесмен, саюзнік і партнёр кума Пуціна Віктара Медведчука.

Алан Кірюхін — расійскі бізнесмен, ключавы менеджар падсанкцыйнай плацежнай сістэмы A7A5, якую выкарыстоўваюць для абыходу абмежаванняў.

Станіслаў Пазнякоў і Міхаіл Маміашвілі — функцыянеры-прапагандысты алімпійскага спорту РФ.

Іх дзеянні, па ацэнцы Рады нацыянальнай бяспекі і абароны Украіны, пагражаюць нацыянальным інтарэсам, бяспецы, суверэнітэту і тэрытарыяльнай цэласнасці Украіны.

Абмежаванні ўведзеныя тэрмінам на 10 гадоў і ўключаюць:

блакіраванне актываў;

забарона гандлёвых аперацый;

прыпыненне дзеяння ліцэнзій і іншых дазволаў;

забарона на ўдзел у прыватызацыі і арэндзе дзяржаўнай маёмасці;

бестэрміновае пазбаўленне дзяржаўных узнагарод Украіны.