Новы Volvo XC60 упершыню заўважылі на дарогах

• 20.05.2026, 16:04

Прэміяльны кросовер атрымае гібрыдную ўстаноўку з вялікім запасам ходу.

Новы Volvo XC60 засвяціўся падчас выпрабаванняў. Прэміяльны кросовер зменіцца вонкава і атрымае інавацыйную плагін-гібрыдную ўстаноўку з павялічаным запасам ходу на электрычным ходзе.

Абноўлены кросовер Volvo XC60 дэбютуе ў пачатку 2027 года, а пакуль праходзіць выпрабаванні ў Іспаніі. Пра гэта паведамляе сайт Carscoops.

Гэта ўжо будзе трэцяя мадэрнізацыя Volvo XC60. На фота выпрабавальны прататып часткова заклеілі плёнкай, аднак бачна, што ў кросовера новыя фары, ліхтары, радыятарная рашотка і бамперы.

Салон Volvo XC60 на фота бачны толькі часткова, але можна разгледзець вялізны сэнсарны экран. Варта адзначыць, што інтэр'ер абнавілі летась, усталяваўшы мультымедыйную сістэму на базе Google з сэнсарным дысплеем партрэтнага фармату.

Асноўныя змены чакаюцца пад капотам, бо кросовер Volvo XC60 2027 атрымае ўдасканаленыя сілавыя агрэгаты, якія будуць адпавядаць будучым экалагічным нормам Еўра-7. У прыватнасці, чакаецца плагін-гібрыдная ўстаноўка новага пакалення, якую анансавалі раней. На фота трапіў менавіта плагін-гібрыд — пра гэта сведчыць лючок зараднага гнязда на пярэднім левым крыле.

Гендырэктар Volvo Хокан Самуэльсан адзначыў, што будучыя плагін-гібрыды Volvo змогуць праехаць 160–200 км у электрычным рэжыме, а агульны запас ходу на бензіне і на электрычным ходзе складзе ад 800 да 960 км.