Беларускія банкі ўводзяць змены па картках

• 20.05.2026, 16:26

Навацыі закрануць ліміты, камісіі і абслугоўванне.

У некаторых банкаў з'явіліся змены па картках. «Зеркало» склала падборку навацый.

«Тэхнабанк» з 20 мая змяніў ліміты па аперацыях з карткамі — зняць праз банкаматы і пункты выдачы наяўных на тэрыторыі Беларусі цяпер можна да 5000 рублёў у суткі (або 2000 долараў, або 2000 еўра). Таксама гэта фінустанова адмяніла паніжаныя ліміты на здзяйсненне аперацый у краінах Лацінскай Амерыкі і Азіяцка-Ціхаакіянскага рэгіёна.

«Белаграпрамбанк» з 1 чэрвеня ўводзіць змены ў кошце выпуску і абслугоўвання картак, якія ўключаны ў пакеты паслуг «Лайт», «Медыум», «Прыміум». «Па гэтых картках уведзены ўмовы бясплатнасці», — удакладнілі ў фінустанове.

«Белгазпрамбанк» з 15 чэрвеня ўводзіць навацыі па дэбетавым «пластыку». «Унесены ўдакладненні ў парадак атрымання дадатковай карткі, выпушчанай фізічнай асобе, якая не мае бягучага рахунку, доступ да якога забяспечваецца з выкарыстаннем плацежнай карткі», — паведамілі ў банку.

«БСБ Банк» унёс змены ў прывілеі для новых трымальнікаў прэміяльных карт — Visa Platinum, Visa Infinite і Mastercard World Black Edition. З 8 чэрвеня па іх будзе прыпынена прадастаўленне купонаў на трансфер. Новацыя закране новых кліентаў.

«Неа Банк Азія» пачаў прапаноўваць віртуальную картку «Белкарт» у сваім мабільным дадатку. «Пластык» можна выпусціць анлайн бясплатна.

«Сбер Банк» змяніў камісію за зняцце наяўных і памер гадавых працэнтаў на астатку сродкаў звыш 500 рублёў для картак пакета «СберКарта Маладзёжная». Ліміт змяніўся з 1000 да 300 рублёў, а налічэнні — з 3% да 0,01%.