У небе над Беларуссю знялі рэдкую атмасферную з'яву

• 20.05.2026, 16:51

Спрайты з'явіліся падчас магутнага навальнічнага фронту.

Навальнічны фронт, што сфарміраваўся 19 мая над усходняй часткай Беларусі, прынёс з сабой прыгожую і даволі рэдкую атмасферную з'яву — спрайты. Гэта незвычайныя маланкі, убачыць якія няўзброеным вокам вельмі цяжка. Аднак зафіксаваць з'яву змаглі камеры Беларускай метэорнай сеткі, піша Onlíner.

Чырвоныя спрайты — гэта велізарныя, але нязыркія электрычныя ўспышкі працягласцю ад 1 да 200 мілісекунд, якія ўзнікаюць над актыўнай навальнічнай сістэмай. Паводле слоў Аляксандра Мікуліча, загадчыка Мінскага планетарыя, звычайна спрайты ўзнікаюць падчас вялікіх навальнічных франтоў.

«Іх бачнасць значна горшая, чым у звычайных маланак. Па сутнасці, гэта маланкі, якія ўзнікаюць высока ў мезасферы (50—130 км) над аблокамі і б'юць уверх, доўжацца долі секунды, і ў іх слабое ззянне. Зафіксаваць іх можна фатаграфічна або на відэа», — патлумачыў спецыяліст.

Вось здымкі, зробленыя пад Маладзечнам.

Паводле слоў Аляксандра, вучоныя зусім нядаўна пачалі разумець механізм узнікнення спрайтаў, і гэта адкрывае шлях да асэнсавання больш глыбокіх працэсаў, што адбываюцца ў атмасферы Зямлі.

Гэтыя фота былі зроблены з камер, якія знаходзяцца ў Мінску.

Акрамя таго, Аляксандр падзяліўся леташнімі здымкамі, калі ўдалося зафіксаваць яшчэ больш уражлівыя чырвоныя спрайты ў беларускім небе над Палессем.