Сафійскі ЦСКА беларусаў Лапоухава і Эбонга выйграў Кубак Балгарыі

• 20.05.2026, 22:51

Беларускі галкіпер адбіў два ўдары ў серыі пенальці.

Сафійскі ЦСКА пад кіраўніцтвам Хрысто Янева у серыі пенальці атрымаў перамогу над «Лакаматывам» з Плоўдзіва ў фінале Кубка Балгарыі па футболе. Выніковы лік — 1:1 (па пен. — 4:3).

У складзе пераможцаў у асноўны час сустрэчы гол забіў аргенцінскі нападнік Леандро Годой. Ён адзначыўся на 11-й хвіліне. У «Лакаматыва» дакладным ударам адзначыўся Лукас Раян. Ён паразіў вароты апанента на 47-й хвіліне.

Беларусы Фёдар Лапоухаў і Макс Эбонг выйшлі ў стартавым складзе калектыву з Сафіі. Варатар у серыі пенальці паріраваў удары Дзмітара Іліева і Запра Дінева. Эбонг не адзначыўся ніякімі выніковымі дзеяннямі ў гэтым матчы.

ЦСКА ў 22-і раз у сваёй гісторыі стаў уладальнікам нацыянальнага кубка.