Беларуская футбалістка стала чэмпіёнкай Турцыі і эфектна адсвяткавала перамогу

• 21.05.2026, 10:53

Падчас яе выхаду ўключылі песню беларускай спявачкі.

Беларуская футбалістка Карына Альховік, якая выступае за стамбульскі «Фенербахчэ», стала чэмпіёнкай Турцыі ў складзе сваёй каманды.

Падчас цырымоніі ўзнагароджання для спартсменкі ўключылі песню з беларускім нацыянальным каларытам — «Белая Русь» у выкананні Анжалікі Агурбаш.

Прыкметна, што ў Беларусі падобны музычны выбар выглядаў бы малаверагодным: Анжаліка Агурбаш ужо даўно знаходзіцца ў неафіцыйных чорных спісах беларускіх уладаў.