У Літве на прыватным самалёце разбіўся 82‑гадовы фермер-мільянер
- 21.05.2026, 19:54
У самалёце было двое чалавек.
Удзень 21 мая ў вёсцы Раконі ў Радвілішкіскім раёне Літвы пацярпеў аварыю невялікі двухмесны самалёт. Ён упаў на поле, піша Delfi.lt.
Ратавальнікі высветлілі, што ў самалёце было двое чалавек — пілот і пасажырка. Пілот у выніку аварыі памёр, а пасажырку перадалі ў рукі лекараў.
У паліцыі Шаўляйскай акругі паведамілі, што загінуў 82‑гадовы фермер з Раконяў і пацярпела 47‑гадовая пасажырка самалёта.
Гэтага 82‑гадовага фермера завуць Казімерас Масілёніс, і ён вядомы ў Літве як чалавек, які зарабіў у сельскай гаспадарцы мільёны.