Bloomberg: Пуцін вызначыўся, калі скончыць вайну ва Украіне

• 22.05.2026, 14:08

Кіраўнік Крэмля сутыкнуўся з ціскам бліжэйшага атачэння.

У атачэнні дыктатара Уладзіміра Пуціна растуць напружанне і незадаволенасць з-за вайны супраць Украіны. Як паведамляе агенцтва Bloomberg са спасылкай на крыніцы ў Маскве, частка расійскай эліты лічыць, што вайна зайшла ў тупік.

Пры гэтым пэўнага сцэнару яе завяршэння ў Крэмля няма. Паводле слоў аднаго з суразмоўцаў агенцтва, кіраўнік Крэмля хацеў бы скончыць вайну да канца 2026 года, але толькі на пэўных умовах, якія ён зможа падаць як перамогу. Гэта поўны кантроль над Данбасам і пагадненне аб бяспецы з Еўропай, якое фактычна замацавала б захопленыя РФ украінскія тэрыторыі.

Прыкметна, што ў Крэмлі гэтую версію афіцыйна не пацвярджаюць. Прэс-сакратар Пуціна Дзмітрый Пяскоў заявіў Bloomberg, што прэзідэнт не вызначаў такіх мэтаў і тэрмінаў.