Як заіскрыла паміж Квентынам Таранцінам і Брэдам Пітам

• 22.05.2026, 15:03

Спрэчка ўспыхнула на здымках «Аднойчы ў Галівудзе».

Падчас здымак фільма «Аднойчы ў Галівудзе» паміж рэжысёрам Квентынам Таранцінам і акцёрам Брэдам Пітам адбыўся напружаны момант. Пра гэта распавёў акцёр Брус Дэрн на Канскім кінафестывалі, дзе прадставілі дакументальны фільм пра яго кар’еру, піша Deadline (пераклад — сайт Charter97.org).

Паводле слоў Дэрна, інцыдэнт здарыўся падчас сцэны з Пітам. Акцёр імправізаваў рэпліку, якой не было ў сцэнары, пасля чаго Брэд Піт нечакана спыніў здымкі.

«Квентын паглядзеў на яго вельмі сур’ёзна і сказаў: “Брэд, што ты зараз зрабіў?” Піт адказаў: “Ну, я спыніў камеру”», — успамінае Дэрн.

Пасля гэтага, паводле слоў акцёра, Таранціна жорстка адрэагаваў: «Ніколі больш у жыцці не спыняй камеру, інакш будзеш мёртвы ў гэтым бізнэсе. Гэта мая тэрыторыя. Не перапыняй гульню акцёраў».

Піт пазней патлумачыў рэжысёру, што імправізацыя Дэрна адсутнічала ў сцэнары. Нягледзячы на напружаны эпізод, канфлікт хутка вычарпаўся, і здымкі працягнуліся.

«Аднойчы ў… Галівудзе» стаў адным з самых паспяховых фільмаў Таранціна, атрымаў дзесяць намінацый на «Оскар», а Брэд Піт заваяваў статуэтку за лепшую мужчынскую ролю другога плана.