Відэа рэпетыцыі выпускнога вальса з Гарадка расчуліла беларусаў

• 22.05.2026, 15:22

Міла да слёз.

У TikTok стала папулярным відэа, на якім пара старшакласнікаў за плотам каля дома рэпетуе выпускны вальс. Ролік, паводле подпісу, быў зняты ў Гарадку на Віцебшчыне. За два дні ён сабраў больш за 320 тысяч праглядаў, піша «Зеркало».

На відэа пара школьнікаў-выпускнікоў рэпетуе вальс. Паводле каментароў, удзельнікі працэсу ведалі, што іх знялі — нейкі Аляксей напісаў, што танцуе ён, і гэта сапраўды рэпетыцыя.

Папулярныя выказванні пад ролікам такія:

«Хлопцы малайцы. Рэпетуюць апошні вальс на апошні званок».

«Пакіньце ім гэтае відэа. Стануць дарослымі — будуць атрымліваць асалоду ад успамінаў».

«Гатуюцца да выпускнога. Вельмі міла».

«Проста да слёз… Поспехаў выпускнікам!»

«Як прыемна бачыць такую моладзь! Дзякуй, што парадавалі такім відэа».

«Каб паболей было такіх цудоўных момантаў — добрых, чыстых, шчырых! Свет захрас у маральнай пачварнасці, якая прэ з усіх шчылін. Шчасця і ўдачы вам далей у жыцці!»

Апошнія званкі ў беларускіх школах адбудуцца 23 мая. А выпускныя вечары сёлета пройдуць 12 чэрвеня.