Раналду ўзначаліў спіс найбольш высокааплатных спартсменаў па версіі Forbes

• 22.05.2026, 18:27

Чацвёрты раз запар.

Партугальскі нападнік саудаўскага «Ан-Насра» Крыштыяну Раналду чацвёрты раз запар і шосты ў кар’еры ўзначаліў спіс найбольш высокааплатных спартсменаў свету па версіі Forbes, у 2026 годзе даход 41-гадовага футбаліста склаў $300 млн.

У агульную суму ўваходзяць $235 млн, атрыманыя па кантракце з «Ан-Насрам», а таксама $65 млн ад рэкламных пагадненняў і розных камерцыйных праектаў. Па агульнай суме з моманту пачатку публікацыі рэйтынгу спартсменаў Forbes у 1990 годзе Раналду паўтарыў рэкорд баксёра Флойда Мэйвезера-малодшага, які ў 2015-м таксама зарабіў $300 млн. Праўда, з улікам інфляцыі ў Мэйвезера сума большая — $427 млн.

Дзесяць найбольш высокааплатных спартсменаў за год зарабілі ў суме $1,4 млрд.

У топ-10 таксама ўвайшлі:

Сауль Альварэс (бокс) — $170 млн;

Ліянэль Месі (футбол) — $140 млн;

Леброн Джэймс (баскетбол) — $137,8 млн;

Сёхэй Атані (бейсбол) — $127,6 млн;

Стэфен Кары (баскетбол) — $124,7 млн;

Джон Рам (гольф) — $107 млн;

Карым Бензема (футбол) — $104 млн;

Кевін Дурант (баскетбол) — $103,8 млн;

Льюіс Хэмілтан (формула-1) — $100 млн.