Пуцін: Страты і ахвяры Расіі ў зоне «СВА» не дарэмныя

• 22.05.2026, 19:09

Дыктатар РФ паспрабаваў апраўдацца за катастрафічныя страты арміі РФ ва Украіне.

Страты і ахвяры Расіі ў зоне спецыяльнай ваеннай аперацыі не дарэмныя, — заявіў дыктатар РФ Уладзімір Пуцін. Ён падкрэсліў, што не сумняваецца ў поспеху расійскіх вайскоўцаў на фронце.

«Няма ніводнай дарэмнай ахвяры, ніводнай страты», — сказаў Пуцін на сустрэчы з выпускнікамі першага патоку праграмы «Час герояў» (цытата паводле сайта Крэмля).

Дыктатар РФ указаў на прасоўванне вайскоўцаў расійскіх груповак «Усход» і «Дняпро». «Ідуць упэўнена кожны дзень, кожны дзень наперад. І рух вельмі прыкметны, я б сказаў», — адзначыў Пуцін.