Новы старшыня ФРС ЗША Кевін Уорш склаў прысягу

• 22.05.2026, 19:34

Трамп адзначыў, што хоча незалежнасці Уорша на пасадзе старшыні ФРС.

Кевін Уорш склаў прысягу ў якасці новага старшыні Федэральнай рэзервовай сістэмы (ФРС) ЗША. Пра гэта паведамляе NBC News.

Прэзідэнт ЗША Дональд Трамп адзначыў, што хоча незалежнасці Уорша на пасадзе новага старшыні ФРС: «Я хачу, каб ён быў незалежным і проста выдатна спраўляўся са сваімі абавязкамі. Не глядзіце на мяне, не глядзіце ні на каго, проста рабіце сваю справу і працуйце па сумленні».

Кандыдатура Кевіна Уорша на пасаду старшыні ФРС была зацверджана Сенатам ЗША 13 мая. За яе прагаласавалі 54 сенатары.

Уорш быў сябрам Рады кіраўнікоў ФРС у перыяд з 2006 па 2011 год. У Раду ён увайшоў ва ўзросце 35 гадоў, стаўшы тады наймаладзейшым членам кіраўніцтва рэгулятара.