У Магілёве маршрутка на пешаходным пераходзе збіла 9-гадовую дзяўчынку

• 22.05.2026, 20:05

ДТЗ трапіла на відэа.

У Магілёве 22 мая каля 18:00 адбылося ДТЗ — пад колы трапіла 9-гадовая школьніца, паведаміла прэс-служба УУС Магілёўскага аблвыканкама.

У міліцыі паведамілі, што 52-гадовы вадзіцель, кіруючы маршрутным таксі на скрыжаванні вуліц Крупскай і Турава, здзейсніў наезд на 9-гадовую школьніцу, якая пераходзіла праезную частку дарогі па рэгуляваным пешаходным пераходзе.

Дзяўчынку з траўмамі шпіталізавалі.

На месцы здарэння працуюць супрацоўнікі ДАІ, усе абставіны таго, што адбылося, устанаўліваюцца.

Дзяржаўтаінспекцыя заклікае вадзіцеляў быць уважлівымі, асцярожнымі, а таксама зніжаць хуткасць да мінімуму пры пад'ездзе да пешаходнага пераходу.