Вайскоўцы НАТА адпрацавалі патэнцыйныя ўдары па РФ

• 22.05.2026, 21:06

Вучэнні прайшлі на закінутай станцыі лонданскага метро.

Вайскоўцы ЗША, Вялікабрытаніі, Францыі і Італіі правялі вайсковыя вучэнні Arrcade Strike на закінутай платформе станцыі метро «Чарынг-Крос» у цэнтры Лондана. Яны адпрацавалі патэнцыйныя ўдары па Расіі ў выпадку нападу. Пра гэта паведаміла прэс-служба Міністэрства абароны Вялікабрытаніі.

Паводле сцэнару вучэнняў, краіны НАТА наносяць адказны ўдар для абароны тэрыторыі Эстоніі згодна з артыкулам 5 Статута НАТА. Падзеі адбываюцца ў 2030 годзе. «Менавіта тады, на думку ваенных планіроўшчыкаў, пагроза з боку Расіі можа быць найбольш сур'ёзнай», — адзначана ў заяве брытанскага Міністэрства абароны. Ведамства назвала вучэнні Arrcade Strike аднымі з самых маштабных за апошнія дзесяцігоддзі.

На платформе разгарнулі штаб, які ў выпадку ваеннай пагрозы каардынаваў бы дзеянні 100 тыс. вайскоўцаў. Абсталяванне для правядзення навучанняў перавозілі ў метро ў начны час. Закінутая платформа «Чарынг-Крос» знаходзіцца ў раёне Вестмінстэр у цэнтры Лондана. Лінія метро, на якой знаходзілася станцыя, перастала працаваць 25 гадоў таму.