«Белавія» аднавіла палёты ў Дубай

• 22.05.2026, 21:39

Рэйсы запланаваныя два разы на тыдзень.

Раніцай Boeing 737‑8 вылецеў з Мінска, паспяхова прызямліўся ў міжнародным аэрапорце Дубая, а цяпер накіроўваецца назад у Мінск, паведаміла авіякампанія.

На пачатковым этапе рэйсы запланаваныя 2 разы на тыдзень: па аўторках і пятніцах. У ліпені, па меры павелічэння попыту, частата палётаў будзе павялічвацца.

Палёты ў Дубай былі прыпыненыя на пачатку сакавіка з‑за ваеннага канфлікту на Блізкім Усходзе і небяспекі палётаў у раёне Персідскага заліва і Ірана.