Венгрыя перадумала выходзіць з Міжнароднага крымінальнага суда

• 22.05.2026, 21:56

Петер Мадзяр адклікае рашэнне Віктара Орбана.

Урад Венгрыі адклікае намер аб выхадзе краіны з Міжнароднага крымінальнага суда. Пра гэта ў X паведаміў венгерскі прэм'ер-міністр Петер Мадзяр.

Папярэдні склад урада на чале з экс-прэм'ер-міністрам Віктарам Орбанам у красавіку мінулага года прыняў рашэнне выйсці з МКС. У тым жа месяцы гэты крок ухваліў парламент краіны. Былы міністр замежных спраў Петер Сійярто заяўляў, што Будапешт адмаўляецца «быць часткай палітызаванага інстытута, які страціў сваю непрадузятасць і аўтарытэт».

Афіцыйнае паведамленне аб выхадзе было накіравана генеральнаму сакратару ААН у чэрвені мінулага года.