БПЛА праляцелі 1600 км і паўторна атакавалі ваенны хімзавод у Пермскім краі РФ

• 23.05.2026, 10:25

Жыхары горада Губаха пачулі некалькі моцных выбухаў.

У ноч на суботу, 23 мая, украінскія дальнабойныя БПЛА праляцелі 1600 км і атакавалі хімзавод «Метафракс» у Пермскім краі Расіі, што выпускае кампаненты для выбуховых рэчываў. Пра гэта піша Диалог.UA пасля маніторынгу сацсетак.

Дроны «наведалі» стратэгічны аб’ект у Пермскім краі рана раніцай 23 мая. Жыхары горада Губаха пачулі некалькі моцных выбухаў. Заяўляецца, што пад паветраную атаку трапіў хімічны завод «Метафракс».

Фатаграфіі і відэа даказваюць, што аб’екты гэтага расійскага рэгіёна сапраўды атаквалі дальнабойныя БПЛА. Відэа публікуе Telegram-канал Exilenova+.

Губернатар Пермскага краю Дзмітрый Махонін пацвердзіў, што 23 мая дроны атакавалі стратэгічны аб’ект. Па яго словах, расійская СПА нібыта «на падлёце да прамысловага прадпрыемства збіла некалькі БПЛА». Ён дадаў, што на месцы працуюць аператыўныя службы. На якім канкрэтна «месцы», губернатар не ўдакладніў.

Расійскі завод «Метафракс» выпускае кампаненты для выбуховых рэчываў, таму ён з’яўляецца законнай мэтай для ЗСУ. Раней ЗСУ ўжо некалькі разоў наносілі па ім удары. Напрыклад, 17 лютага і 11 сакавіка 2026 года. Заяўляецца, што дроны тады пашкодзілі ўстаноўкі па вытворчасці карбаміду (кампанент для артылерыйскіх снарадаў і мін) і аміяку (выкарыстоўваецца пры вырабе выбухоўкі). Заўважым, сёння ўначы ЗСУ таксама нанеслі паветраны ўдар па нафтавым тэрмінале «Грушавая» ў Наварасійску. Праз яго расійскую нафту адпраўляюць на экспарт, а атрыманыя за яе грошы трацяць на працяг вайны супраць Украіны.