Псіхолагі назвалі дзве нечаканыя прыкметы высокага інтэлекту

• 23.05.2026, 11:09

Звыклыя ўяўленні пра «разумнага чалавека» могуць быць памылковымі.

Псіхалагічныя даследаванні ўсё часцей паказваюць, што звыклыя ўяўленні пра «разумнага чалавека» могуць быць памылковымі. Пэўныя формы паводзінаў, якія звычайна лічаць дзіўнымі або непажаданымі, насамрэч могуць сведчыць пра больш высокі ўзровень кагнітыўных здольнасцяў, піша Psychology Today (пераклад — сайт Charter97.org).

Першае — размова з самім сабой. Эксперыменты паказваюць, што прамаўленне слоў ўслых дапамагае мазгу лепш утрымліваць і апрацоўваць інфармацыю. У адным даследаванні ўдзельнікі, якія называлі шуканую рэч ўслых, знаходзілі яе хутчэй. Вучоныя тлумачаць гэта тым, што маўленне адначасова задзейнічае некалькі сістэм успрымання, узмацняючы канцэнтрацыю і працоўную памяць. Размова з самім сабой дапамагае ўпарадкаваць думкі і павышае эфектыўнасць мыслення.

Другое — ужыванне нецэнзурнай лексікі. Даследаванні паказваюць, што людзі з больш багатым слоўнікавым запасам часцей і больш разнастайна выкарыстоўваюць і звычайную, і табуіраваную лексыку. Гэта абвяргае стэрэатып пра «беднасць маўлення». Наадварот, умелае выкарыстанне лаянкі патрабуе моўнай гібкасці і разумення сацыяльнага кантэксту.

Пры гэтым успрыманне грамадства застаецца процілеглым. Людзей, якія лаюцца, часта лічаць менш разумнымі і надзейнымі. Вучоныя падкрэсліваюць, што гэта хутчэй сацыяльная перадузятасць, чым адлюстраванне рэальных кагнітыўных здольнасцяў.