Ці могуць беларусы ў краме забраць рулон бясплатных фасовачных пакетаў?

• 24.05.2026, 6:00

На пытанне адказалі эксперты.

«На мой погляд, відавочна, што бясплатныя фасовачныя пакеты ў гароднінным аддзеле ўжо аплачаныя намі — іх кошт уключаны ў кошт прадуктаў. Ці азначае гэта, што, узяўшы з сабой рулон, я проста забіраю сваё, за што ўжо заплаціла?» - спыталася ў «АиФ» жыхарка Брэста.

Не, гэта не так. Нягледзячы на тое, што кошт упакоўкі ўключаны ў кошт тавараў, пакеты не становяцца вашай уласнасцю аўтаматычна, растлумачылі ў Рэгіянальным таварыстве абароны правоў спажыўцоў.

Паводле закона крама абавязаная бясплатна прадаставіць фасовачную ўпакоўку для вагавых тавараў (гародніны, цукерак і інш.), каб упакаваць тавар на месцы, узважыць яго на касе і забраць пасля аплаты.

Пакет належыць краме, пакуль у яго не паклалі пакупку. Калі вы забіраеце цэлы рулон або бераце пакеты «на запас», гэта кваліфікуецца як дробны крадзеж (арт. 11.1 КаАП). За крадзеж на суму да 10 базавых (450 руб.) пагражае штраф ад 2 да 30 базавых велічынь, магчымыя грамадскія працы або арышт.