Беспілотнікі СБУ паразілі важную для Масквы нафтаперакачвальную станцыю

• 24.05.2026, 14:19

Яна забяспечвае палівам буйныя нафтабазы вакол сталіцы РФ.

Служба бяспекі Украіны паразіла важную нафтаперакачвальную станцыю ў Уладзімірскай вобласці РФ, якая забяспечвае палівам Маскоўскі рэгіён.

Пра гэта паведамляе прэс-служба СБУ.

«Выконваючы пастаўленыя прэзідэнтам Украіны Уладзімірам Зяленскім задачы, спецыялісты Цэнтра спецаперацый «Альфа» СБУ паразілі лінейную вытворча-дыспетчарскую станцыю (ЛПДС) «Второво» ў Уладзімірскай вобласці РФ», — гаворыцца ў паведамленні.

Станцыя з'яўляецца важным вузлом у сістэме магістральных нафтапрадуктаправодаў і перакачвае сыравіну (пераважна дызельнае паліва) з нафтаперапрацоўчых заводаў цэнтральнай часткі РФ да экспартных партоў і ўнутраных спажыўцоў.

Яна забяспечвае палівам буйныя нафтабазы вакол Масквы і аэрапорты Шарамецьева, Дамадзедава і Внукава.

У выніку паспяховай атакі беспілотнікаў СБУ на аб'екце ўспыхнуў маштабны пажар плошчай 800 м².

«СБУ ужо рыхтуе новыя спецаперацыі. Інтэнсіўнасць удараў Украіны па тэрыторыі Расіі будзе толькі расці. Нашы далёкабійныя санкцыі будуць працаваць і надалей», — заявіў кіраўнік Службы бяспекі Яўген Хмара.