У МЗС Венгрыі асудзілі расійскія ўдары па Кіеве

• 24.05.2026, 15:54

Орбан выказала салідарнасць з украінскім народам.

Міністр замежных спраў Венгрыі Аніта Орбан выказала салідарнасць з украінскім народам на фоне масіраванай атакі Расіі ў нядзелю.

Пра гэта яна заявіла на платформе X.

Орбан назвала начную атаку Расіі на сталіцу Украіны жорсткай, падкрэсліўшы недапушчальнасць удараў па грамадзянскіх аб’ектах.

«Жорсткае начное нападзенне Расіі на Кіеў — гэта яшчэ адзін жудасны напамін пра чалавечыя ахвяры гэтай вайны. Мірнае насельніцтва ніколі не павінна прачынацца пад гукі ракет, дронаў і выбухаў, баючыся за сваё жыццё. Разбураныя дамы, разбітыя сем’і, загінулыя і параненыя нявінныя людзі — гэта недапушчальна», — напісала кіраўніца МЗС Венгрыі.

Як падкрэсліла чыноўніца, Будапешт рашуча асуджае гэтыя ўдары Расіі і выказвае салідарнасць з ахвярамі атак і народам Украіны.