Брытанія рыхтуецца тапіць расійскія караблі новымі ракетамі

• 25.05.2026, 11:26

У Лондане кажуць пра вяртанне да стратэгіі часоў халоднай вайны.

Ваенна-марскія сілы Вялікабрытаніі заявілі пра гатоўнасць знішчаць расійскія караблі ў выпадку пагрозы брытанскім водам. Асноўнай ударнай сілай стануць верталёты Wildcat, абсталяваныя новымі супрацькарабельнымі ракетамі Sea Venom і звышгукавымі Martlet, піша The Telegraph (пераклад — сайтам Charter97.org).

Паводле слоў брытанскіх камандзіраў, гэта самыя смяротныя верталёты ў гісторыі Каралеўскага флоту. Wildcat здольныя паражаць як буйныя караблі, так і беспілотныя марскія апараты і дроны.

Асаблівую ўвагу брытанскія ваенныя надаюць Арктыцы і Паўночнай Атлантыцы, дзе актыўнасць расійскага флоту за апошні год прыкметна ўзрасла. ВМС Брытаніі ўжо ўзмацнілі патруляванне пасля павелічэння колькасці расійскіх караблёў ля брытанскіх берагоў і актыўнасці разведвальных судоў, уключаючы «Янтар».

Ракеты Sea Venom здольныя паражаць мэты на адлегласці да 19 міль, а Martlet — атакаваць аб’екты з высокай дакладнасцю на хуткасці больш за 1800 км/г. Камандаванне падкрэслівае, што новыя сістэмы дазваляюць выводзіць караблі са строю без поўнага знішчэння — напрыклад, паражаючы радыёлакатары, масток або ангары.

«Мы можам тапіць расійскія караблі», — заявілі прадстаўнікі флоту.

Сёлета ўлетку ўдарная група Wildcat адправіцца ў паўночныя шыроты ў складзе брытанскай авіяноснай групы. Пазней верталёты ўмацуюць беспілотнікамі Peregrine, якія змогуць схавана выяўляць караблі праціўніка на вялікіх адлегласцях.

У Лондане ўсё часцей гавораць пра вяртанне да стратэгіі часоў халоднай вайны — з упорам на хуткае рэагаванне на магчымыя дзеянні Расіі ў Еўропе і Атлантыцы.