Бліскучая праца: украінскі робат падмануў расійскі дрон

• 26.05.2026, 11:41

З'явілася ўнікальнае відэа.

Украінскія сілы абароны працягваюць развіваць робатызаваныя тэхналогіі і адточваць майстэрства іх прымянення на полі бою ў вайне супраць РФ.

Нядаўна на адным з участкаў фронту адбыўся вельмі паказальны ў гэтым плане эпізод.

Аператар украінскага наземнага робатызаванага комплексу здолеў выратаваць робата падчас расійскай дронавай атакі, піша «Диалог.UA».

У сеціве з'явілася адпаведнае відэа. Судзячы па кадрах, расійскі дрон вёў прыцэльную працу па НРК, аднак дзякуючы майстэрству ўкраінскага аператара, робата ўдалося своечасова, літаральна ў апошнюю секунду, вывесці з зоны паражэння.

У выніку дрон Узброеных сіл РФ нанёс удар міма, а ўкраінскі НРК перажыў атаку і працягнуў выкананне задачы на вызначаным участку.