Украінскія робаты падарвалі падземны бункер расіян

• 26.05.2026, 17:34

Аперацыя праведзена ў тыле ворага.

Аператары наземных робатызаваных камплексаў падраздзялення NC13 Трэцяга армейскага корпуса Узброеных Сіл Украіны правялі паспяховую атаку на сховішчы расійскіх акупантаў.

Для ўдару ўкраінскія байцы выкарысталі два дроны-камікадзэ наземнага тыпу, якія па чарзе дабраліся да варожага сховішча.

Першы робат узарваўся каля ўваходу і фактычна заблакаваў акупантам магчымасць пакінуць сховішча. Пасля гэтага другі робат нанёс асноўны ўдар і цалкам знішчыў месца дыслокацыі праціўніка разам з жывой сілай унутры.

У падраздзяленні адзначаюць, што працягваюць метадычна ліквідаваць ворага нават у яго тыловых раёнах.