Еўрасаюз выклікаў часовага паверанага ў справах РФ

• 26.05.2026, 19:04

З-за пагроз дыпламатам.

Еўрапейская служба знешніх дзеянняў (EEAS) выклікала выконваючага абавязкі пастаяннага прадстаўніка РФ пры ЕС у сувязі з пагрозамі Масквы, якая заклікала замежных грамадзян і дыпламатаў пакінуць Кіеў.

Пра гэта 26 мая паведаміла у сацыяльнай сетцы X прадстаўніца EEAS Анітта Хіпер.

Паводле яе слоў, дзеянні РФ з'яўляюцца недапушчальнай эскалацыяй. У Бруселі заклікаюць Маскву спыніць нанясенне ўдараў па грамадзянскім насельніцтве і прыступіць да сапраўдных мірных перамоваў, пачаўшы з поўнага і безумоўнага спынення агню. «Дэлегацыя ЕС ва Украіне застаецца ў Кіеве», — падкрэсліла Хіпер.

Як адзначаецца на афіцыйным сайце, выконваючым абавязкі пастаяннага прадстаўніка РФ пры ЕС і Еўратаме ў Бруселі з 27 лістапада 2024 года значыцца Карэн Малаян.