У мінскія крамы завезлі свежыя беларускія ягады

• 26.05.2026, 19:16

Цэны ўражваюць.

У мінскіх супермаркетах у маі ўжо можна набыць беларускую маліну, прычым ад некалькіх вытворцаў. Аднак кошт пакуль не самы прыемны — «Точка» распавядае падрабязнасці ягаднага шопінгу, які часткова шакуе.

У мінскіх супермаркетах заўважылі маліну ўраджаю 2026 года. Яе вырасцілі адразу некалькі беларускіх гаспадарак.

Але цэны на нашыя ягады даволі цікавыя.

Напрыклад, адна ўпакоўка будзе каштаваць 23,1 рубля за 125 г. У пераліку на кілаграм атрымліваецца ўнушальная сума — 184,8 рубля.

Ёсць і крыху танней. Каробачку беларускай маліны вагой 200 г можна купіць за 23,85 рубля (119,25 за кг), а падобную ўпакоўку можна знайсці за 27,75 рубля (138,75 за кг).