Сібіга накіроўваецца на Кіпр на нефармальнае пасяджэнне кіраўнікоў МЗС краін ЕС

• 26.05.2026, 21:32

Адна з тэм — уступленне Украіны ў ЕС.

Міністр замежных спраў Украіны Андрэй Сібіга 27 мая наведае Кіпр, дзе возьме ўдзел у нефармальным пасяджэнні міністраў замежных спраў ЕС.

Аб гэтым паведамілі ў прэс-службе МЗС Украіны.

Як адзначаецца, цэнтральнымі тэмамі ўдзелу кіраўніка МЗС Украіны стануць узмацненне ролі Еўропы ў мірных намаганнях, прагрэс на шляху да ўступлення Украіны ў ЕС і адкрыццё перамоўных кластараў, санкцыйны ціск на РФ, забеспячэнне абаронных патрэбаў Украіны.

На палях пасяджэння кіраўнік знешнепалітычнага ведамства Украіны правядзе шэраг двухбаковых сустрэч з еўрапейскімі калегамі.