У Мінску знайшоўся адзін з самых упартых прадаўцоў дарагой нерухомасці

• 27.05.2026, 9:55

Ён спрабуе прадаць дом больш за тры гады, але цану не зніжае.

У Мінску як мінімум трэці год спрабуюць прадаць катэдж у Ржаўцкім завулку. Пры гэтым яго кошт па-ранейшаму складае 1,2 млн даляраў, або 3,3 млн рублёў, — прадавец трымае яго на адным узроўні, піша «Зеркало».

Дом пабудаваны ў 2021 годзе. Яго агульная плошча — 289,6 м², а жыллая — 111,2 м².

«У аздабленні выкарыстаны прэміяльныя матэрыялы, інтэр’ер выкананы ў класічным стылі з эксклюзіўнай мэбляй, — зазначана ў аб’яве. — Прэстыжнае наваколле, выдатная экалогія і зручны выезд у цэнтр горада. Дом цалкам гатовы да пражывання».

Гэты дом прадаецца як мінімум са студзеня 2023 года. Тады яго кошт таксама быў 1,2 млн даляраў, а ў рублях — амаль 3,2 млн.