Выхад Мядзведзева «ў людзі»

• Тэлеграм-канал «СерпомПо»
• 27.05.2026, 10:28

Што гэта нагадвае?

Дзмітрый Мядзведзеў зноў адзначыўся:

«ЕС заявіў, што захавае сваю дыпламатычную прысутнасць у Кіеве без змен, нягледзячы на папярэджанні Расіі. Што ж, відаць, у іх дастаткова дыпламатаў, і ім трэба скараціць іх колькасць».

Што гэта нагадвае?

Сядзяць замежныя дыпламаты ў рэстаране за сталом, размаўляюць, нешта абмяркоўваюць. Раптам устае з-за суседняга стала нецвярозы персанаж з вачыма, залітымі гарэлкай, апрануты ў хакі, пахіствуючыся, падыходзіць, хапае рукой абрус, сцягвае талеркі, келіхі на падлогу і дзіка пры гэтым рагоча.

«Хто гэта?!» — пытае адзін з гасцей.

«Гэта былы прэзідэнт краіны!» — адрэзаў вопытны афіцыянт з каменным тварам, даўно прывыклы да такіх выбрыкаў.

«Больш яму не налівайце! Хопіць на сёння!» — шэпча на вуха афіцыянту кіраўнік залы.

За столікам, адкуль устаў Мядзведзеў, радасна рагоча Захарава, там жа адабрліва ўхмыляецца Лаўроў і давольна тупае нагамі яшчэ шэраг нейкіх асоб у дарагіх шэрых касцюмах. Вялікая краіна дала адпор еўрапейскай дыпламатыі.

Тэлеграм-канал «СерпомПо»